Бүген авыл клубында районның баш табибы Гиздатуллин Зәбир Саримович авыл халкы белән очрашуда катнашты. Безнең өчен сөенечле хәбәр җиткерде. Икенче елга авылда модульле фельдшер-акушер пункты ачылу планда каралган. Шулай ук авыл халкына медицина ярдәме дә күрсәтелде. Участок терапия табибы Фаттахова Карина Хәлил кызы һәм участок акушеры Сунаргулова Сәлимә Әүдәх кызы медицина кабул итүе оештырдылар. Авыл халкының сәламәтлеген кайгырткан үзебезнең фельдшер Маликова Лилия Флюн кызына һәм барлык оештыручыларга зур рәхмәт.